Sunday, January 29, 2023

معروف ٹی وی فنکارہ روحی بانو کا صدرضیاالحق سے ملنے والا پلاٹ بھی قبضہ گروپ نے ہتھیالیا

معروف ٹی وی فنکارہ روحی بانو کا صدرضیاالحق سے ملنے والا پلاٹ بھی قبضہ گروپ نے ہتھیالیا
لاہور(92نیوز)ماضی کی معروف ٹی وی فنکارہ روحی بانو کو صدر ضیاء الحق سے ملنے والا پلاٹ مبینہ طور پر قبضہ گروپ نے ہتھیا لیا ذہنی انتشار کا شکار روحی بانو انصاف کی تلاش میں علاج گاہ سے لاہور پریس کلب چلی آئیں۔ تفصیلات کےمطابق ٹی وی اسکرین پر برسوں راج کرنے والی فنکارہ روحی بانو طویل عرصے سے ذہنی عارضے کا شکار ہیں اور لاہور میں ذہنی امراض کی علاج گاہ فاؤنٹین ہاؤس ان دنوں ان کا مسکن ہے۔ روحی بانو اچانک لاہور پریس کلب چلی آئیں۔ ڈائیلاگ ڈیلیوری میں اپنی مثال آپ سمجھی جانے والی روحی بانو اپنا مافی الضمیر فقروں میں بیان کرنے سے قاصر ہو چکی ہیں ان کی عرضداشت ان کے رشتے دار جوڑے نے صحافیوں کے سامنے پیش کیں۔ روحی بانو کے رشتے دار جوڑے نے بتایا کہ صدر جنرل ضیاء الحق نے گلستان جوہر کراچی میں فنکاروں کو پلاٹ الاٹ کیے تھے اور چار سو گز کا ایک پلاٹ اداکارہ کو بھی بھی ملا تھا جس پر مشرف علی نامی شخص نے جعلی دستاویزات کے ذریعے قبضہ کر رکھا ہے۔ اداکارہ روحی بانو نے صدر پاکستان، وزیر اعظم، گورنر اور وزیراعلیٰ سندھ کے علاوہ آرمی چیف سے بھی اس معاملے میں ان کی مدد کرنے کی درخواست کی۔