مظاہرین کے تشدد سے شہید پولیس اہلکار کی نماز جنازہ ڈی چوک میں ادا کر دی گئی
اسلام آباد:( 92 نیوز) شہید کانسٹیبل عبدالحمید کی نماز جنازہ ڈی چوک میں ادا کر دی گئی۔
پی ٹی آئی کارکنوں کے تشدد سے جاں بحق پولیس اہلکار کی نماز جنازہ ادا کر دی گئی ہے،نمازجنازہ میں وزیرداخلہ ، گورنرخیبرپختونخوا اور چیف کمشنر سلام آباد نے بھی شرکت کی۔
پولیس کے مطابق شہید عبدالحمید شاہ اسلام آباد پولیس میں 1988 میں بھرتی ہوئے اور وہ ایبٹ آباد کے رہائشی تھے، عبدالحمید شاہ نے3 ماہ بعد پولیس سے سروس مکمل کرکے ریٹائر ہونا تھا۔
مزید پڑھیں: پی ٹی آئی احتجاج کے دوران بدترین تشدد کا نشانہ بننے والا پولیس اہلکار جاں بحق
واضح رہے کہ وفاقی دارالحکومت میں گزشتہ دو روز سے پی ٹی آئی کی جانب سے احتجاج کا سلسلہ جاری ہے اور اس دوران پولیس اور مظاہرین کے درمیان وقتاً وقتاً جھڑپیں بھی جاری رہیں۔
گزشتہ رات میڈیا سے گفتگو کرتے ہوئے وزیر داخلہ محسن نقوی نے بتایا تھا کہ مظاہروں میں اسلام آباد پولیس کے 31 اہلکار، پنجاب پولیس کے 75 اہلکار زخمی ہیں جبکہ ایک پولیس اہلکار کی حالت تشویشناک ہے۔