Sunday, January 23, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

مری میں برف کی وجہ سے گاڑیوں کی طویل قطاریں ، سیاح شدید مشکلات کا شکار

مری میں برف کی وجہ سے گاڑیوں کی طویل قطاریں ، سیاح شدید مشکلات کا شکار
January 5, 2019
مری ( 92 نیوز) ملکہ کوہسار مری نے سفید چادر اوڑھی تو وادی کا حسن اور بھی نکھر گیا  جس کے باعث سیاحوں کی بڑی تعداد نے مری کا رخ کر لیا ، شاہراہوں پر برف کی وجہ سے گاڑیوں کی طویل قطاریں لگ گئیں ۔مشکلات کا سامنا کرنا پڑا تو سیاح انتطامیہ کے خلاف پھٹ پڑے ۔ مری کا مال روڈ ہو یا کشمیر پوئنٹ ،ہر طرف آسمان سے گرنے والی برف نے سماں باندھ دیا ، پہلے سے حسین وادی کے حسن کو چار چاند لگ گئے  جس سے  بڑی تعداد میں سیاحوں نے مری کا رخ کیا ، انتظامیہ کے مطابق اب تک ہزاروں کی تعداد میں گاڑیاں مری میں داخل ہو چکی ہیں ۔ ملکہ کوہسار کی خوبصورتی اپنی جگہ تاہم شاہراہوں پر پڑنے والی برف سے بعض مسائل کا بھی سامنا ہے جن کے بارے میں سیاح بھی سوال اٹھا رہے ہیں ۔ گاڑیوں کی میلوں لمبی قطاریں لگی ہیں سیاح پھنس گئے  ،سیاح اپنی مدد آپ کےتحت گاڑیاں ہٹانے میں مصروف ہیں جبکہ متعدد گاڑیوں کافیول بھی ختم ہوگیا ہے  ، ایسے میں انتظامیہ متحرک ہونے کی بجائے گہری نیند سو رہی ہے۔