Friday, December 3, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

مریم نواز اور شاہد خاقان عباسی کے خلاف توہین عدالت کی درخواست پر فیصلہ محفوظ

مریم نواز اور شاہد خاقان عباسی کے خلاف توہین عدالت کی درخواست پر فیصلہ محفوظ
November 26, 2021 --- ویب ڈیسک

اسلام آباد (92 نیوز) مریم نواز اور شاہد خاقان عباسی کے خلاف توہین عدالت کی درخواست پر اسلام آباد ہائیکورٹ نے درخواست کے قابل سماعت ہونے پر فیصلہ محفوظ کر لیا۔

دوران سماعت وکیل درخواست گزار نے کہا  کہ ثاقب نثار کے خلاف جو باتیں پریس کانفرنس میں ہوئیں وہ توہین عدالت ہے۔

چیف جسٹس اطہر من اللہ نے ریمارکس دیئے کہ ریٹائرڈ آدمی سے متعلق بات کرنے سے توہین عدالت نہیں ہوتی۔ چاہے چیف جسٹس ہی کیوں نہ ہو۔ ججز بڑی اونچی پوزیشن پر ہوتے ہیں تنقید کو ویلکم کرنا چاہیے۔

چیف جسٹس نے وکیل درخواست کو مخاطب کرتے ہوئے کہا  جو خود متاثرہ ہے وہ بھی ہتک عزت کا دعویٰ کر سکتا ہے۔ انصار عباسی والا شوکاز نوٹس وہ الگ کیس ہے اس کے ساتھ نا ملائیں۔

درخواست گزار ایڈووکیٹ کلثوم نے میڈیا سے گفتگو میں کہا کہ عدالت عظمی کے سابق ججز کو نشانہ بنانے سے قومی اور ملکی سطح پر لوگوں کے جذبات مجروح ہوئے۔