Sunday, October 24, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

محمد یوسف نے افغان کرکٹ ٹیم کے کوچ کیلئے درخواست جمع کرا دی

محمد یوسف نے افغان کرکٹ ٹیم کے کوچ کیلئے درخواست جمع کرا دی
May 9, 2016
کراچی (92نیوز) سابق ٹیسٹ کرکٹر محمد یوسف اور عتیق الزماں نے افغانستان کرکٹ ٹیم کے ہیڈکوچ کیلئے درخواست جمع کرا دی۔ تفصیلات کے مطابق پاکستان میں ایک طرف پی سی بی غیرملکی کوچز پر مہربان ہے تو دوسری جانب غیرملکی ٹیمیں پاکستان کے لیجنڈ کرکٹرز کو کوچ بنانا چاہتی ہیں۔ یہی وجہ ہے کہ سابق ٹیسٹ کرکٹر محمد یوسف نے اپنے ایجنٹ کے ذریعے افغانستان کرکٹ بورڈ کو ہیڈ کوچ کی اسامی کیلئے درخواست بھجوا دی ہے۔ اس کے علاوہ ایک اور سابق ٹیسٹ کرکٹر عتیق الزماں نے بھی کوچنگ کیلئے درخواست جمع کرائی ہے جو پاکستان کی طرف سے ایک ٹیسٹ اور تین ون ڈے کھیل چکے ہیں۔ افغانستان کرکٹ ٹیم کے ہیڈ کوچ کا عہدہ سابق پاکستانی بلے باز انضمام الحق کے مستعفی ہونے پر خالی ہوا ہے۔ انضمام الحق نے قومی ٹیم کا چیف سلیکٹر بننے کیلئے افغان کرکٹ ٹیم کے ہیڈکوچ کے عہدے سے استعفیٰ دیاتھا۔ افغانستان کرکٹ بورڈ کے شفیق ستانک زئی کا کہنا ہے کہ درخواستیں ستائیس مئی تک وصول کی جائیں گی جس کے بعد اگلے مرحلے کا آغاز ہو گا۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔