متحدہ عرب امارات کا لڑاکا طیارہ یمن میں گر کر تباہ

  عدن(ویب ڈیسک)سعودی اتحادی فورسزمیں شامل متحدہ عرب امارات کالڑاکاطیارہ یمن میں گرکرتباہ ہوگیا حادثے میں طیارے کے دونوں پائلٹ مارے گئے۔ تفصیلات کےمطابق سعودی قیادت میں اتحادی فورسز میں شامل متحدہ عرب امارات کا لڑاکا طیارہ پیر کو یمن میں ایک عسکری آپریشن کے دوران لاپتہ ہوا۔ تاہم جلد ہی میراج طرز کے طیارے کا ملبہ عدن کے قریب  سے مل گیا سعودی اتحادنے کہاکہ طیارہ فنی خرابی کے باعث گرکرتباہ ہوا۔  سعودی قیادت میں اتحادی فورسز گزشتہ برس  سے یمن میں ایران نواز حوثی باغیوں کے خلاف فضائی حملے کر رہی ہیں۔