Friday, January 21, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

لیسکو کے نادہندہ حکمران جماعت سے تعلق رکھنے والے ایم این اے اور ایم پی اے کے گھر کی بجلی منقطع

لیسکو کے نادہندہ حکمران جماعت سے تعلق رکھنے والے ایم این اے اور ایم پی اے کے گھر کی بجلی منقطع
February 7, 2016
لاہور (نائنٹی ٹو نیوز) لاہور میں بجلی کے بڑے نادہندگان کی بھی شامت آگئی، لیسکو نے چالیس لاکھ روپے کے نادہندہ حکمران جماعت سے تعلق رکھنے والے ایم این اے اور ایم پی اے کے گھر کی بجلی کاٹ دی۔ لاہور الیکٹرک سپلائی کمپنی نے بجلی نادہندگان کے کنکشن منقطع کرنا شروع کر دیئے ہیں۔ چالیس لاکھ روپے کی نادہندگی کے باعث مسلم لیگ ن کے رکن قومی اسمبلی افضل کھوکھر اور رکن صوبائی اسمبلی سیف کھوکھر کے رائے ونڈ میں واقع کھوکھر پیلس کی بجلی منقطع کر دی گئی۔ لیسکو حکام کا کہنا ہے کہ کھوکھر برادران کے ذمے 40 لاکھ سے زائد کے بل واجب الادا تھے۔ بار بار یاددہانی کے نوٹس جمع کروانے کے باوجود بل ادا نہیں کیا گیا جس پر وفاقی وزیر مملکت عابد شیر علی کی منظوری کے بعد کھوکھر برادران کے گھر کی بجلی کاٹ دی گئی ہے۔ واجبات کی ادائیگی پر کنکشن بحال کر دیا جائے گا۔