Saturday, October 1, 2022

لیجنڈکرکٹربرائن لارا نے پاکستان آنے میں رضامندی ظاہر کردی

لیجنڈکرکٹربرائن لارا نے پاکستان آنے میں رضامندی ظاہر کردی
میلبورن(ویب ڈیسک)ویسٹ انڈین کرکٹ ٹیم کے سابق کپتان برائن لارا کا کہنا ہے کہ وہ پاکستان آنے پر تیار ہیں، اگر انہیں باضابطہ طور پر دعوت دی گئی ۔ میلبورن میں میڈیا سے گفتگو میں برائن لارا نے کہا کہ وہ پاکستان جانے کے لئے بے چین ہیں۔ انہوں نے کہا کہ انہیں انیس سو چھیانے کے ورلڈ کپ میں جنوبی افریقا کے خلاف میچ اب بھی یاد ہے۔ کراچی میں ہونے والے اس میچ میں انہوں نے سنچری اسکور کی تھی۔ انہوں نے کہا کہ وہ پاکستان میں اپنے پرستاروں سے ملنے کے خواہش مند ہیں۔ برائن لارا کو پاکستان آنے کی دعوت فاسٹ باؤلر وہاب ریاض نے دی تھی،  یہ دعوت انہیں ٹوئٹر کے ذریعے تب دی گئی تھی جب انہوں نے آسٹریلیا کے خلاف ورلڈ کپ کوارٹر فائنل میں وہاب ریاض کی شاندار باؤلنگ کی تعریف کی تھی ۔  اس خواہش کا اظہار کیا تھا کہ وہ وہاب ریاض سے ملنا چاہتے ہیں۔ برائن لارا کی طرف سے پاکستان آنے کی خواہش کے اظہار کے بعد امکان ہے کہ اب انہیں پی سی بی کی طرف سے باقاعدہ دعوت دی جائے گی۔