لندن: سپر ہیرو فلم بلیک پینتھر کا رنگا رنگ پریمئر
![لندن: سپر ہیرو فلم بلیک پینتھر کا رنگا رنگ پریمئر](https://urdu.92newshd.tv/wp-content/uploads/2018/02/black-panther.jpg)
لندن (92 نیوز) ہالی وڈ کی سپر ہیرو فلم بلیک پینتھر کا لندن میں رنگا رنگ پریمئئر منعقد ہوا ۔
فلم کی سٹار کاسٹ نے سیاہ کارپٹ پر جلوے بکھیر کر ایونٹ کا مزہ دوبالا کر دیا ۔
مارویل سٹوڈیوز کی نئی سپر ہیرو مووی بلیک پینتھر کے چرچے زبان زد عام ہے ، نہ صرف فلم کی پوری سٹار کاسٹ سیاہ فام اداکاروں پر مشتمل ہے بلکہ اِس نے پری ٹکٹ سیلز کے تمام ریکارڈز بھی توڑے ہیں ۔
لندن کے مقامی تھیٹر میں فلم کا زبردست پریمئر منعقد ہوا جس میں مرکزی کردار ادا کرنے والے اداکار چیڈوِک بوزمین،مائیکل بی جورڈن ،لوپیتا یونگو ،اینڈی سرکس شریک ہوئے ۔
ستارے جب سیاہ کارپٹ پر اترے تو مداحوں نے اُن کا پرتپاک استقبال کیا ۔
فلم تیرہ فروری کو برطانیہ اور سولہ فروری کو امریکا سمیت دنیا بھر میں نمائش کیلئے پیش کیجائے گی ۔