لاہور میں عمران کا مقابلہ سعدرفیق،شہباز شریف کا منشا سندھو کریں گے

لاہور ( 92 نیوز) لاہور میں این اے 131 اور این اے 132 میں اہم مقابلے ہوں گے ۔  چیئرمین پاکستان تحریک انصاف  کا مقابلہ مسلم لیگ ن کے اہم رہنما سعد فیق کریں گے جب کہ مسلم لیگ ن کے صدر اور سابق وزیراعلیٰ پنجاب شہباز شریف  کے مقابلے پر پاکستان تحریک انصاف کے  منشا سندھو اتریں گے ۔ چیئرمین پاکستان تحریک انصاف اور سابق وزیر ریلوے  این اے 131  جبکہ شہباز شریف اور منشا سندھو این اے 132 میں  مد مقابل ہوں گے ۔ این اے123 سے ن لیگ کے ملک ریاض اور تحریک انصاف کے مہر واجد آمنے سامنے ہوں گے جب کہ این اے 124سے پی ٹی آئی کے نعمان قیصر اور ن لیگ کے حمزہ شہباز مقابل ہوں گے ۔ این اے125سے مریم نواز اور ڈاکٹر یاسمین راشد مد مقابل ہیں ، این اے126سےپی ٹی آئی کے حماد اظہر اور ن لیگ کے مہر اشتیاق کا جوڑ پڑے گا۔