Saturday, November 27, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

لاہور میں جرائم کا گراف خطرناک حد پر اوپر چلا گیا

لاہور میں جرائم کا گراف خطرناک حد پر اوپر چلا گیا
November 24, 2021 --- ویب ڈیسک

لاہور (92 نیوز) لاہور میں جرائم کا گراف خطرناک حد پر اوپر چلا گیا۔ رواں سال کے ساڑھے آٹھ میں ایک لاکھ، 70ہزار مقدمات درج کئے گئے۔

رواں سال میں ابتک 348 قتل کے مقدمات درج ہوئے جبکہ چوبیس افراد کو ڈکیتی مزاحمت پر قتل کیا گیا۔ ابتک موٹرسائیکل، گاڑی چوری اور ڈکیتی کی اٹھارہ ہزار سے زائد وارداتیں رپورٹ ہوئیں۔ بڑھتے ہوئے جرائم پر انویسٹی گیشن پولیس بھی پریشانی کا شکار ہے۔

جرائم کی وارداتوں کو نظر میں رکھنے کے لئے سیف سٹیز نے پونے آٹھ ہزار کے قریب کیمرے  نصب کر رکھے ہیں تاہم ان میں سے ڈھائی ہزار سے زائد ناکارہ ہیں۔

چیف آپریٹنگ آفیسر سیف سٹیز ڈی آئی جی کامران خان کہتے ہیں نجی کمپنی کے ساتھ کیمروں کی مرمت کے حوالے سے تنازع چل رہا تھا۔ بہت جلد دیگر کیمرے بھی ورکنگ پوزیشن میں ہوں گے۔

پولیس ریکارڈ کے مطابق رواں سال تیرہ ہزار سے زائد مقدمات تاحال زیر تفتیش ہیں۔