لاہور میں تین روزہ ثقافتی میلے کا آغاز

لاہور (92 نیوز) لاہور میں تین روزہ ثقافتی میلے کا آغاز ہو گیا ۔ فیسٹیول میں موسیقی کے سر بھی بکھریں گے اور لذیذ کھانوں سےبھی حاضرین لطف اٹھا سکیں گے ۔
3 روزہ پلاک کلچرل فیسٹیول کا اہتمام پنجاب انسٹی ٹیوٹ آف لینگویج آرٹ اینڈ کلچر میں کیا گیا ۔
پہلے دِن فوک گائیکی کے استاد حامد علی خان سمیت ملک بھر سے آئے گلوکاروں نے اپنے فن کا ایسا مظاہرہ کیا کی شرکاء داد دیے بغیر نہ رہ سکے ۔
پاکستان بھر سے آئے فنکاروں نے میلے کے انعقاد کو خوش آئند قرار دیا ۔
کلچرل فیسٹیول میں ثقافتی رقص پیش کیا گیا تو حاضرین بے خود ہو کر رہ گئے ۔
روح کی غذا موسیقی کے ساتھ ساتھ ثقافتی میلے میں کھانے پینے کے اسٹالز بھی لگائے گئے تھے جہاں شرکاء نے لذیذ کھانوں سے خوب لطف اٹھایا ۔