Thursday, October 21, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

لاہور میں ایک اور لڑکی اجتماعی زیادتی کا نشانہ بن گئی

لاہور میں ایک اور لڑکی اجتماعی زیادتی کا نشانہ بن گئی
August 29, 2021 --- ویب ڈیسک

لاہور (92 نیوز) لاہور میں ایک اور لڑکی اجتماعی زیادتی کا نشانہ بن گئی۔ سندر کے علاقے میں لڑکی کو نوکری کا جھانسہ دے کر بلانے کے بعد ملزم نے اپنے دوست سے مل کر درندگی کا نشانہ بنا ڈالا۔

متاثرہ لڑکی نے متعلقہ تھانے میں ملزم بابر اور اس کے دوست کے خلاف مقدمہ درج کروا دیا۔

متاثرہ لڑکی نے مؤقف اپنایا کہ بابر نے سرکاری نوکری کا جھانسہ دیا اور اس کے عوض والدہ کا بارہ تولے طلائی زیور بھی اپنے پاس رکھا۔ کئی روز گزرنے کے بعد بھی زیورات واپس کیے نہ ہی کوئی نوکری دلوائی بعد میں اس نے نوکری کا کہہ کر کرسٹل پلازہ بلوایا۔

ایف آئی آر کے مطابق وہاں ایک نامعلوم شخص بھی موجود تھا جس کے ساتھ مل کر ملزم نے زیادتی کا نشانہ بنا دیا۔

آئی جی پنجاب پولیس نے واقعہ کا نوٹس لیتے ہوئے سی سی پی او لاہور سے رپورٹ طلب کر لی۔

ملزمان کو جلد از جلد گرفتار کر کے سخت قانونی کارروائی کا حکم دیتے ہوئے متاثرہ لڑکی کو انصاف کی فراہمی کی بھی ہدایت کر دی۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔