Thursday, January 27, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

لاہور، ٹیچر کے تشدد سے چھٹی جماعت کی طالبہ کا بایاں بازو ٹوٹ گیا

لاہور، ٹیچر کے تشدد سے چھٹی جماعت کی طالبہ کا بایاں بازو ٹوٹ گیا
September 29, 2018
لاہور ( 92 نیوز ) لاہور کے علاقہ شاہدرہ میں ٹیچر کے تشدد سے چھٹی  جماعت کی طالبہ کابایاں بازو ٹوٹ گیا، والدنے دباؤمیں آکر صلح کرلی ۔ 92 نیوز کی ٹیم پہنچی تو پرنسپل پچھلے دروازے سے چلتی بنیں ۔ شاہدرہ میں اسکول ٹیچرنے طالبہ کوبولنے کی ایسی سزادی کہ اس کابازودوجگہ سے فریکچرہوگیا ، محنت کش نصیرحسین کی 12 سالہ بیٹی   ایمان کوایک بارمارنے پرٹیچر کی تسلی نہ ہوئی تو اس نے اس پرکئی بار تشددکیا۔ بعد میں ایکسرے کرانے پر انکشاف ہوا کہ بازودوجگہ سے ٹوٹ گیااور انگلیاں بھی ٹیڑھی ہوچکی ہیں ،بچی کے والد نصیرحسین کا کہنا ہے کہ اسکول انتظامیہ اور محلے داروں نے دباو ڈال کر صلح نامے پر دستخط کروائے۔ اسکول کی پرنسپل نے 92 نیوز کی ٹیم کو نہ صرف مؤقف دینے سے انکارکردیا بلکہ تشددکرنے والی ٹیچرسے بھی نہ ملوایا اورعقبی دروازے سے چلتی بنیں۔