Tuesday, October 4, 2022

لاک ڈاؤن سے رکشہ ڈرائیور محمد نواز کے گھر کا چولہا ٹھنڈا

لاک ڈاؤن سے رکشہ ڈرائیور محمد نواز کے گھر کا چولہا ٹھنڈا

راولپنڈی ( 92 نیوز)  لاک ڈاؤن نے  راولپنڈی کے رکشہ ڈرائیور  محمد نواز کے گھر کا چولہاٹھنڈا کر دیا ، غربت ، 2 بچوں کی معذوری اور بیوہ بیٹی کی ذمہ داری اٹھائے محمد نواز حکومت کی طرف دیکھ رہے ہیں ۔

راولپنڈی کے علاقے ڈھوک کالاخان میں 3 کمروں کا  گھر 65 سالہ رکشہ ڈرائیورمحمد نوازکا ہے ، جس کے  3 بیٹے اور3 بیٹیاں ہیں  بدقسمتی دیکھیے ایک بیٹا اورایک بیٹی پولیو کا شکار جبکہ ایک بیٹی جوانی میں بیوہ ہوگئی۔

لاک ڈاؤن سے نواز کا رکشہ چل رہا ہے نہ 2 بیٹوں کا روزگار ،  نازک کندھوں پر خاندان کی کفالت کا بوجھ ہے ، پریشانیاں اس بوڑھے باپ کے چہرے پربکھری پڑی ہیں لیکن حوصلہ نہیں ٹوٹا۔

حکومت کا امدادی پیکیج اس گھرکی دہلیز سے کوسوں دور ہے ، نواز کی اہلیہ شکوہ کناں ہے تو بیوہ بیٹی اپنے دکھوں اورتنگ دستی سے غمگین۔

کہیں سے کوئی امید کی کرن ان چھوٹے چھوٹے کمروں میں پھوٹ پڑے ، یہاں کے مکین بس اسی امید کے سہارے زندگی گزاررہے ہیں۔