Thursday, January 20, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

لاپتہ 18بچوں کاسراغ نہ ملا، سندھ پولیس کا اعتراف

لاپتہ 18بچوں کاسراغ نہ ملا، سندھ پولیس کا اعتراف
January 17, 2019
کراچی ( 92 نیوز) لاپتہ 18بچوں کا سراغ نہ ملا ، سندھ پولیس نے اعتراف کر لیا ۔ کراچی سے بچوں کے لاپتہ کیس میں سندھ ہائیکورٹ نے پولیس کو لاپتہ بچوں کا مکمل نادرا ریکارڈ ایف آئی اے  کو دینے کی ہدایت کردی ، ایف آئی اے حکام نے عدالت کو بتایا کہ اینٹی ہیومن ٹریفکنگ سیل بچوں کی بازیابی کیلئے کام کررہا ہے ۔ لاپتہ بچوں سے متعلق کیس کی سندھ ہائیکورٹ میں سماعت  ہوئی ، پولیس نے 18 بچوں کی بازیابی میں ناکامی کا اعتراف کرلیا ۔  6 سال سے اپنی بچی کی تلاش میں بھٹکنے والی ماں نے  عدالت میں کہا کہ بچے بازیاب نہیں ہوتے تو ہمیں بھی ماردیں ۔ خاتون کا کہنا تھا بچی کے بارے میں کچھ نہیں بتایا جارہا  ، ڈائریکٹر ایف آئی اے منیرشیخ کا کہنا تھا 18 میں سے 2 بچوں کے  کیسز چیک کئے ہیں، اور بچوں کو بیرون مُلک نہیں لے جایا گیا  ۔ ڈی آئی جی سی آئی اے نے کہا کہ ایک بچی کی  بلوچستان میں موجودگی کا علم ہوا ہے ، عدالت نے پولیس کو لاپتہ بچوں کا مکمل نادرا ریکارڈ ایف آئی کو دینے کی ہدایت کرتے ہوئے 31 جنوری تک رپورٹ طلب کرلی ۔