Monday, October 18, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

قانون کے رکھوالے قانون شکن، چودہ سالہ لڑکی سے زیادتی کے الزام پر ڈی ایس پی گرفتار

قانون کے رکھوالے قانون شکن، چودہ سالہ لڑکی سے زیادتی کے الزام پر ڈی ایس پی گرفتار
May 5, 2016
لاہور (نائنٹی ٹو نیوز) قانون کے رکھوالے ہی قانون شکن بن گئے۔ لاہور میں چودہ سالہ لڑکی سے زیادتی کے الزام میں پولیس نے ڈی ایس پی کو گرفتار کر لیا ہے۔ آئی جی پنجاب نے واقعہ کا نوٹس لے کر سی سی پی او سے رپورٹ طلب کر لی۔ پولیس کے مطابق کاہنہ کے علاقے گلشن منیر کی رہائشی خاتون نے درخواست دی کہ اس کی بیٹی کو ڈی ایس پی عمران بابر جمیل اغوا کر کے لے گیا اور زیادتی کا نشانہ بناتا رہا ہے۔ پولیس نے کارروائی کرتے ہوئے ڈی ایس پی کے خلاف مقدمہ درج کر کے اسے گرفتار کر لیا جبکہ متاثرہ لڑکی کو طبی معائنے کے لیے اسپتال منتقل کر دیا۔ ذرائع کے مطابق ڈی ایس پی عمران بابر جمیل کے خلاف جرائم پیشہ عناصر کی پشت پناہی سمیت دیگر الزامات میں پہلے بھی مقدمات درج ہیں جس پر انہیں او ایس ڈی بنا دیا گیا تھا۔ ترجمان پنجاب پولیس کے مطابق ڈی ایس پی عمران بابر جمیل کے خلاف مختلف الزامات کے تحت محکمانہ انکوائریاں چل رہی ہیں جن پر جلد فیصلہ متوقع ہے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔