Tuesday, January 25, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

قاتل ڈینگی سے راولپنڈی کے دو افراد لقمہ اجل بن گئے

قاتل ڈینگی سے راولپنڈی کے دو افراد لقمہ اجل بن گئے
September 24, 2019
راولپنڈی ( 92 نیوز) قاتل ڈینگی راولپنڈی میں مزید دو افراد  کی جان لے گیا، پنجاب میں اب تک 2595 مریضوں میں ڈینگی کی تشخیص ہوچکی ہے ، لاہور میں بھی ڈینگی حملہ آور ہے  جہاں  تین بڑے لاری اڈے ڈینگی کی آماجگاہ بن گئے ہیں ، صفائی ستھرائی کا انتظام کرنے والے ادارے خواب غفلت میں سوئے رہے۔ راولپنڈی انتظامیہ  کی جانب سے ڈینگی کوکنٹرول کرنے کی کوششیں  ناکام  ہو گئیں ، ڈینگی مچھر نے 2 مزید  شہریوں  کی  جان لے لی۔ ہولی فیملی اسپتال میں زیر علاج 30 سالہ مریض عبدالباسط  اور صہیب  جان کی بازی ہار گئے ، راولپنڈی  میں مجموعی طور پر ہلاکتوں  کی تعداد 12 ہو گئی ۔ شہر میں ڈینگی  کے وار پر  وار  لیکن انتظامیہ عملی اقدامات کرنے کی بجائے میٹنگز میں مصروف عمل ہے ۔ راولپنڈی میں ڈینگی مچھر وبائی امراض کی شکل اختیار کر چکا ہے اور اب تک  تین ہزار  سے زائد  افراد ڈینگی کا نشانہ  بن چکے ہیں ۔