Monday, October 25, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

فلوریڈا کے چڑیا گھر میں زرافے سے مشابہ نایاب نسل کے بچھڑے کی آمد

فلوریڈا کے چڑیا گھر میں زرافے سے مشابہ نایاب نسل کے بچھڑے کی آمد
October 10, 2015
فلوریڈا (ویب ڈیسک) فلوریڈا کے شہر ٹامپا کے چڑیا گھر میں زرافے سے مشابہہ افریقی جانور اوکاپی نے ایک ننھے بچے کو جنم دیا جو چڑیا گھر کے جانورون میں خوبصورت اضافہ ہے۔ اوکاپی انتہائی نایاب جانور ہے جو افریقی ملک کانگو کے جنگلوں میں پایا جاتا ہے اور جس کا منہ اور دھڑ گھوڑے سے تو جسم کا پچھلا حصہ زرافے سے مشابہ ہے اور ٹانگوں پر زرافے کی طرح دھاریاں ہوتی ہیں۔ ٹامپا کے لوری پارک کے چڑیا گھر میں پیدا ہونے والے اوکاپی بچھڑے کی عمر ابھی صرف سولہ دن ہے جس کا وزن انیس کلوگرام ہے۔ رواں سال امریکا میں پیدا ہونیوالا یہ تیسرا اوکاپی ہے۔ اوکاپی بہت شرمیلا ہوتا ہے اور انسانی نظروں سے دور رہتا ہے۔ ٹامپا چڑیا گھر کو اوکاپی نسل کے جانوروں کی افزائش نسل کے لیے خصوصی طور پر ڈیزائن کیا گیا ہے۔ بیسویں صدی تک مغربی دنیا اس کے وجود سے ناواقف تھی۔ افریقہ میں جنگلات کے خاتمے سے اوکاپی بھی معدوم ہوتا جا رہا ہے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔