فضل الرحمن نے فرنٹ مینز کے ذریعے اربوں کی جائیدادیں بنائیں، فردوس عاشق

لاہور (92 نیوز) معاون خصوصی فردوس عاشق اعوان کہتی ہیں، فضل الرحمن جدید دور کے وہ کرپٹ جادوگر ہیں جس نے دین کے نام پر جمع کئے چندے کے پیسے سے اربوں کی جائیدادیں فرنٹ مینز کے ذریعے بنائیں۔

مولانا اور PDMکے شور شرابے، آہ و بکا کی اصل وجہ انکے اپنے سیاہ کرتوت اور کرپشن کے وہ پہاڑ ہیں جسکے بچاؤ کیلئے یہ ٹولہ دربدر ٹکریں مار رہا ہے۔ کپتان کی حکومت میں انکی چیخیں مزید بلند ہونگی کیونکہ ملکی دولت بھیڑیوں کی طرح لوٹنے والوں سے پائی پائی کا حساب لینا ہمارے منشور کا حصہ ہے

— Dr. Firdous Ashiq Awan (@Dr_FirdousPTI) January 23, 2021

انہوں نے ہفتہ کے روز ٹویٹ پیغام میں کہا، ہر دور میں عوام کو ورغلانے والے مولانا کی سیاست مفاد پرستی اور فساد سے لتھڑی پڑی ہے۔ مولانا اربوں کی کرپشن بچانے کیلئے ملکی جڑیں کھوکھلی کرنے پر بضد ہیں۔

فردوس عاشق نے لکھا کہ مولانا اور پی ڈی ایم کے شور شرابے اور آہ و بکا کی اصل وجہ انکے سیاہ کرتوت اور کرپشن کے وہ پہاڑ ہیں جسکے بچاؤ کیلئے یہ ٹولہ دربدر ٹکریں مار رہا ہے۔

اُنہوں نے مزید لکھا کہ کپتان کی حکومت میں انکی چیخیں مزید بلند ہونگی کیونکہ ملکی دولت بھیڑیوں کی طرح لوٹنے والوں سے پائی پائی کا حساب لینا پی ٹی آئی کے منشور کا حصہ ہے۔