Monday, January 24, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

فاروق ستار نے سینیٹ الیکشن کیلئے پتے شو کردیئے، کامران ٹیسوری سر فہرست

فاروق ستار نے سینیٹ الیکشن کیلئے پتے شو کردیئے، کامران ٹیسوری سر فہرست
February 8, 2018

کراچی (92 نیوز) فاروق ستار نے سینیٹ الیکشن کے لئے اپنے پتے شو کر دیئے ۔ کامران ٹیسوری فہرست میں پہلے نمبر پر ہیں ۔ دوسری جانب رابطہ کمیٹی نے بھی اپنے امیدوارں کے کاغذات جمع کروانے کا اعلان کر دیا ۔
پی آئی بی کالونی میں صحافیوں سے گفتگو کرتے ہوئے فاروق ستار نے کہا کہ احمد چنائے ، فرحان چشتی ، سہیل منصور ، شاہد پاشا اور حسن فیروز کے نام فائنل کئے ہیں ۔
نگہت شکیل، منگلا شرما، سنجے پروانی، قمر منصور اور علی رضا عابدی بھی فاروق ستار کےامیدواروں میں شامل ہیں ۔
دوسری جانب رابطہ کمیٹی بھی پیچھے ہٹنے کو تیارنہیں ۔ انہوں نے بھی نو امیداروں کے ناموں کا اعلان کر دیا ۔
نسرین جلیل نے بہادر آباد میں صحافیوں سے گفتگو کرتے ہوئے کہا کہ مشترکہ امیدوار لانا چاہتے تھے لیکن ایسا ہو نہیں سکا ۔ انہوں نے کہا کہ شخصیت کے بجائے پارٹی کو مضبوط بنانا چاہتےہیں ۔
ادھر خواجہ اظہاراب بھی امید کا دامن تھامے ہوئے ہیں ۔ انہوں نے کہا کہ سب ٹھیک ہو جائے گا ۔
پارٹی سربراہ اور رابطہ کمیٹی کا اختلاف کے بعد صورتحال ایک انار سو بیمار والی ہے ۔