عمران خان اور جہانگیر ترین کی نا اہلی سے متعلق فیصلہ آج سنایا جائیگا

اسلام آباد ( 92 نیوز ) عمران خان اور جہانگیر ترین نا اہل ہوں گے یا نہیں ۔ سپریم کورٹ کیس کا فیصلہ آج سنائے گی۔
پاکستان تحریک انصاف کے رہنماؤں کی نا اہلی کیلئے پاکستان مسلم لیگ ن کے رہنما حنیف عباسی نے درخواست دائر کی تھی ۔
چیف جسٹس کی سربراہی میں 3 رکنی بینچ نے کیس کی سماعت مکمل ہونے کے بعد 14 نومبرکو فیصلہ محفوظ کیا تھا۔
ن لیگ کےرہنما حنیف عباسی نے عمران خان اور جہانگیر ترین کی نا اہلی سے متعلق درخواست دائر کی تھی۔ درخواست گزار کی جانب سے آف شور کمپنیوں اور نا جائز اثاثہ جات کی بنا پر عمران خان اور جہانگیرترین کی نا اہلی کی استدعا کی گئی تھی۔
اکرم شیخ ایڈووکیٹ حنیف عباسی کی طرف سے جبکہ نعیم بخاری عمران خان اور جہانگیر ترین کی جانب سے سکندر بشیر مہمند ایڈووکیٹ نے دلائل دیئے تھے۔
عمران خان کی جانب سے لندن فلیٹس اور بنی گالہ اراضی کی خرید سے متعلق منی ٹریل عدالت میں پیش کی گئی تھی جبکہ جہانگیر ترین کی طرف سے آف شور کمپنی اور زمینوں کی لیز سے متعلق دستاویزات عدالت میں پیش کی گئیں ۔
سپریم کورٹ آج دن دو بجے عمران خان اورجہانگیرترین کی نا اہلی سے متعلق کیس کا فیصلہ سنائے گی۔