عظیم باکسر محمد علی کی آج دوسری برسی منائی جا رہی ہے

نیو یارک (92 نیوز) عظیم باکسر محمد علی کی آج دوسری برسی منائی جا رہی ہے۔ مخالفین کے چھکے چھڑانے والے باکسر نے کیرئیر میں  61 مقابلوں میں سے 56 میں  فتح کا جھنڈا گاڑا۔ لیجنڈ باکسر نے 37 مقابلوں میں حریفوں کو ناک آؤٹ بھی کیا ۔ لیجنڈ باکسر نے دنیا کے کئی میدانوں میں صلاحیتوں کا لوہا منوایا۔ ہیوی  ویٹ باکسنگ کی دنیا میں بڑے بڑوں کو مات دینے والے باکسر  نے صرف بائیس برس کی  عمر میں سونی لسٹن جیسے نامور کھلاڑی کو ہرا کر  عالمی ہیوی ویٹ چیمپئن شپ جیتی۔ محمد علی مجموعی طور پر اکسٹھ مقابلوں میں  ان ایکشن ہوئے  جن میں سے چھپن جیتے۔ 37 مقابلوں میں حریفوں کو ناک آؤٹ کیا اور صرف پانچ میں شکست کا سامنا کرنا پڑا۔ ان کے مشہور ترین مقابلوں میں جو فریزیئر اور جارج فورمین کے خلاف لڑائیاں شامل ہیں۔ بی بی سی ٹیلیویژن اور امریکی رسالے سپورٹس السٹریٹڈ نے انہیں صدی کا  عظیم کھلاڑی قرار دیا۔ اپنے باکسنگ کیریئر کے عروج پر محمد علی نے اسلام قبول کیا۔ انکی بیٹی لیلیٰ بھی باکسر رہ چکی ہیں۔ باکسر محمد علی نے 1964 ، 1974 اور 1978 میں عالمی چیمپئن کا اعزاز بھی حاصل کیا۔ باکسنگ رنگ میں اپنے مکوں سے مخالف کے چھکے چھڑانے والے عظیم باکسر نے تقریباً ایک عشرے تک رعشے کی بیماری کا مردانہ وار مقابلہ کیا اور تین جون دو ہزار سولہ راہی ملک عدم ہوئے۔