شمسی توانائی سے چلنے والا طیارہ امپلس ٹو نانجنگ سے امریکی شہر ہوائی کیلئے روانہ

شمسی توانائی سے چلنے والا طیارہ امپلس ٹو ایک ماہ کی تاخیر سے مشرقی چین کے شہر نانجنگ سے امریکی شہر ہوائی کیلئے روانہ ہو گیا ہے۔ طیارہ ناسازگار موسم کی وجہ سے ایک ماہ تک چین کے شہر نانجنگ میں ٹھہرا رہا اور بالآخر مقامی وقت کے مطابق صبح دو بج کر چالیس منٹ پر اڑان بھری طیارہ بحرالکاہل عبور کر کے ہوائی پہنچے گا۔ طیارہ چھے دن بحرالکاہل پر پرواز کرے گا۔ طیارے کے پائلٹ آندرے بورشبرگ کا کہنا ہے کہ طیارے کو مسلسل پرواز کیلئے بہت زیادہ سورج کی روشنی درکار ہو گی۔ جہاز کو پچھلے ہفتے ہوائی کیلئے روانہ ہونا تھا لیکن موسم کی وجہ سے پرواز مؤخر کر دی گئی اور اب یہ روٹ سے ہٹ کر سفر کریگا۔ امپلس ٹو کے پروں کی لمبائی بہتر میٹر ہے جبکہ وزن صرف تئیس سو کلوگرام ہے۔ طیارے کو پچیس دن میں پچاس سے سو کلو میٹر فی گھنٹہ کی رفتار سے بارہ مراحل میں دنیا کا چکر مکمل کرنا تھا۔ بحرالکاہل پر پرواز سب سے طویل ہے جو ایک ریکارڈ ہو گا۔ شمسی توانائی سے چلنے والا طیارہ بارہ سال کی محنت شاقہ کے بعد دو ہزار سے تیار ہوا۔