Monday, January 17, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

شعیب ملک آج اپنی چھتیسویں سالگرہ منا رہے ہیں

شعیب ملک آج اپنی چھتیسویں سالگرہ منا رہے ہیں
February 1, 2018

سیالکوٹ ( 92 نیوز ) پاکستان کے سابق کپتان اور مایہ ناز آل راؤنڈر شعیب ملک آج اپنی چھتیسویں سالگرہ منا رہے ہیں ۔ شعیب ملک ون ڈے کرکٹ میں چھ ہزار سے زائد رنز بنا چکے ہیں۔

شعیب ملک یکم فروری 1982کو سیالکوٹ میں پیدا ہوئے ، 1999میں ویسٹ اندیز کی ٹیم کیخلاف  اپنے کیرئیر کا آغاز کیا ۔ بیٹنگ میں باؤلرز کے چھکے چھڑانے کے ساتھ ساتھ بیٹسمینوں کی وکٹیں بھی اڑائیں ۔

اسٹار آل راؤنڈر نے اپنی کامیابیوں کا تسلسل  برقراررکھااور 2007کےٹی ٹوئنٹی ورلڈ کپ میں قومی ٹیم کے  کپتان منتخب ہوئے ۔

گرین شرٹس نے شعیب ملک کی قیادت میں 2007کے ٹی ٹوئنٹی ورلڈکپ میں فائنل تک رسائی حاصل کی ۔ پاکستانی آل راؤنڈر 2009کا ٹی ٹوئنٹی ولڈ کپ جیتنے والی ٹیم کا حصہ تھے ۔

مایہ ناز آل راؤنڈر نے 2010میں بھارتی ٹینس اسٹارثانیہ مرزا سے شادی کی ۔ شعیب ملک نے ون ڈے سے کافی عرصہ دور  رہنے کے بعد 2015میں ون ڈے میں کم بیک کیا ۔

شعیب ملک نے ون ڈے میں 261میچوں میں 6ہزار سے زائد رنز بنا نے کے ساتھ154وکٹیں بھی حاصل کی ہیں  ۔ جارح مزاج بلے باز نےٹی ٹوئنٹی میں بھی اٹھارہ سو رنز اسکور کیے ہیں۔