فرمان الہی

ویب ڈیسک: پنجاب میں ڈاکو ناکا لگا کر تین گھنٹوں تک کھلےعام لوٹ مار کرتے رہے  اور اس دوران ایک خاتون کے ساتھ اجتماعی زیادتی بھی کی۔

پولیس کا کہنا ہے کہ شرقپور شریف میں شیخوپورہ روڈ پر گزشتہ شب ڈاکوؤں نے ناکا لگایا اور 3 گھنٹوں تک لوٹ مار جاری رکھی۔ عینی شاہدین کے مطابق لوٹ مار کے دوران ڈکیتوں نے خاتون کے ساتھ  اجتماعی زیادتی بھی کی۔

تاہم عینی شاہدین کا بتانا ہے کہ 15 ڈاکوؤں نے 20 سے زائد شہریوں کو نقدی و موبائل فونز سے محروم کردیا۔ اس دوران لُٹنے والی ایک خاتون سے 3 ڈاکوؤں نے زیادتی بھی کی۔

ڈکیتی کے دوران لُٹنے والے افراد نے پولیس اسٹیشن میں میڈیا کو بیان دیتے ہوئے کہا کہ زیادتی کا شکار خاتون روتی ہوئی گھر روانہ ہوئی۔

اطلاع ملنے کے بعد پولیس نے علاقے میں اور قریب واقع باغات میں سرچ آپریشن شروع کردیا ہے۔