شدید برفباری کے باوجود پاک افغان سرحد پر باڑ لگانے کا کام تیزی سے جاری
![شدید برفباری کے باوجود پاک افغان سرحد پر باڑ لگانے کا کام تیزی سے جاری](https://urdu.92newshd.tv/wp-content/uploads/2019/01/ispr-2-3.jpg)
راولپنڈی ( 92 نیوز) شدید برفباری بھی راستے کی رکاوٹ نہ بن سکی، پاک افغان سرحد پر باڑلگانے کا کام تیزی سے جاری ہے، پاک فوج کے بلند حوصلہ جری جوان شمالی وزیرستان کے علاقے شوال کے دشوار گزار پہاڑوں میں خاردارتاریں لگارہے ہیں۔
پاک فوج کے بہادر سپوت شدید برفباری کے دوران بھی وطن کا دفاع کی عظیم ذمہ داری سے غافل نہیں ہیں ، ایک طرف شدید برفباری تو دوسری طرف پاک افغان بارڈر پر باڑ لگانے کا کام کرتے پاک فوج کے جوان دفاع وطن کے لئے ہر مشکل کا سامنا کرنے کا حوصلہ رکھتے ہیں ۔
پاک فوج کے جری جوان شمالی وزیرستان کے علاقے شوال کے دشوار گزار پہاڑوں میں خاردارتاریں لگارہے ہیں،شدید برف باری کے باوجود حوصلے بلند ہیں۔
یہ تھی اصل تصویر اب دیکھیں جعل سازی ، جی ہاں بھارت کی نامساعد حالات میں ملکی دفاع پر مامور اپنے فوجیوں کی جاری کردہ تصویروں کا بھانڈا برطانوی نشریاتی ادارے نے بیچ چوراہے پھوڑ دیا اور ہر تصویر کا راز کھول دیا ۔
گزشتہ دنوں بھارت نے سوشل میڈیا پر برف سے ڈھکی اور اپنی خواتین فوجیوں کی تصاویر وائرل کیں جنہیں کئی بھارتی رہنماؤں نے بھی شیئر کیا مگر جب حقیقت سامنے آئی تو سب منہ دیکھتے رہ گئے ۔
برطانوی نشریاتی ادارے نے بتا دیا کہ برف سے ڈھکی تصویر سمندر کنارے کھڑے بھارتی فوجی کی نہیں بلکہ ایک امریکی سرفر کی ہے ۔ اسی طرح خواتین فوجیوں کی تصویر بھی جعلی نکلی یہ تصویر امریکی خواتین سولجئرز کی تھی جو بغداد میں زیر تربیت تھیں ۔
![pakistan army](http://urdu.92newshd.tv/wp-content/uploads/2019/01/weather-2-2-500x306.jpg)
![fake indian army](http://urdu.92newshd.tv/wp-content/uploads/2019/01/fake-indian-army.jpg)