سینیٹ الیکشن، پیپلز پارٹی کے تمام 20امیدواروں کے کاغذات نامزدگی منظور

کراچی (92 نیوز) سینیٹ الیکشن کے لئے سندھ سے پیپلزپارٹی کے تمام بیس امیدواروں کے کاغذات نامزدگی منظور کر لئے گئے ۔
کراچی کے الیکشن آفس میں آج بھی خوب گہماگہمی رہی ۔ پیپلزپارٹی کے تمام بیس امیدواروں کے کاغذات منظور کر لئے گئے ۔ جیالوں کی جانب سے الیکشن سے پہلے ہی کامیابی ومبارکباد کی صدائیں لگ گئیں ۔
جیالوں نے الیکشن کمیشن میں سب کو مٹھائی کھلا کر منہ میٹھا کروایا ۔
ادھر وزیر اعلی سندھ نے صحافیوں سے گفتگو کرتے ہوئے کہا کہ ایک دوسرے کو برا بھلا کہنا درست نہیں ۔ انہوں نے فاروق ستار کومشورہ دیا کہ اپنی پارٹی کو سنبھالیں ۔
وزیر اعلی سندھ نے بتایا کہ راوانوار کی گرفتاری کے لئے تمام اداروں سے مدد طلب کی ہے ، امید ہے جلد گرفتار کر لیں گے ۔
دوسری طرف سعید غنی نے کہا کہ کامران ٹیسوری خودکش بمبار ہیں ، جہاں جاتے ہیں تباہی پھیلاتے ہیں ۔
الیکشن کمیشن میں دیگرجماعتوں کے کاغذات نامزدگی کی اسکروٹنی کا سلسلہ جاری ہے ۔