Thursday, January 27, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

سپریم کورٹ کا قومی ائیرلائن میں جعلی ڈگری والے پائلٹس کو آف لوڈ کرنے کا حکم

سپریم کورٹ کا قومی ائیرلائن میں جعلی ڈگری والے پائلٹس کو آف لوڈ کرنے کا حکم
October 1, 2018
اسلام آباد (92 نیوز) سپریم کورٹ نے قومی ائیرلائن میں جعلی ڈگری والے پائلٹس کو آف لوڈ کرنے کا حکم دے دیا۔ مزید ڈگریوں کی تصدیق کیلئے تمام ائیرلائنز کو تین دن کی مہلت دے دی۔ پی آئی اے میں جعلی ڈگری والوں کی شامت آگئی۔ جعلی ڈگریوں سے متعلق کیس کی سماعت کے دوران پی آئی اے حکام نے آگاہ کیا کہ پائلٹس کی 347 ڈگریوں کی تصدیق نہیں ہوئی۔ کراچی بورڈ حکام نے بتایا 20 ڈگریاں ایسی ہیں جن کو پڑھا نہیں جا سکتا۔ چیف جسٹس ثاقب نثار نے ریمارکس دیئے کہ ڈگریوں کو پڑھا نہیں جا رہا تو فرانزک کروا لیں، ڈگریوں کے تصدیق میں اصل اسناد فراہم کرنا ائیر لائنز کا کام ہے۔ چیف جسٹس نے کہا کہ کیا بدمعاشی بنا رکھی ہے؟ کیا مخصوص لوگوں کی ڈگریاں چیک کرانا پی آئی کی پالیسی ہے؟۔ عدالت نے تمام ائرلائز کو کو تین دن میں ڈگریوں کی تصدیق کیلئے تمام مطلوبہ دستاویزات فراہم کرنے کا حکم دے دیا ۔ قرار دیا کہ متعلقہ بورڈ اور یونیورسٹیاں دس دن کے اندر اسناد کی تصدیق کریں۔