Saturday, January 29, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

سندھ حکومت کا کینسر میں مبتلا سابق اولمپیئن نوید عالم کی مالی مدد کرنے کا اعلان

سندھ حکومت کا کینسر میں مبتلا سابق اولمپیئن نوید عالم کی مالی مدد کرنے کا اعلان
July 9, 2021

کراچی (92 نیوز) سندھ حکومت نے شوکت خانم اسپتال لاہور میں زیر علاج سابق اولمپیئن نوید عالم کی مالی مدد کرنے کا اعلان کردیا۔

سندھ حکومت کا ایک اور اچھا فیصلہ، کینسر میں مبتلا ہوجانے والے سابق اولمپیئن کے علاج کے لیے شوکت خانم اسپتال کی انتظامیہ کو خط لکھ دیا ہے۔

صوبائی حکومت کے ترجمان مرتضی وہاب کے مطابق اسپتال انتظامیہ کو مطلع کیا گیا ہے کہ نوید عالم کے علاج پر جتنا بھی خرچہ ہوگا وہ سندھ حکومت ادا کرے گی۔

مرتضی وہاب نے کہا کہ وزیراعلیٰ سندھ مراد علی شاہ نے نوید عالم کی بیماری پر افسوس کا اظہار کرتے ہوئے ان کی جلد صحتیابی کے لیے دعا کی ہے اور کہا کہ نوید عالم کے علاج میں کوئی کسر نہیں چھوڑی جائے، سندھ حکومت دنیا بھر میں ملک کا نام روشن کرنے والے سابق اولمپیئن کو تنہا نہیں چھوڑ سکتی اور ان کے ساتھ کھڑی ہے۔