سندھ حکومت نے سٹیزن پولیس لائزن چیف احمد چنائے کو ہٹانے کا فیصلہ کر لیا

کراچی (92نیوز) حکومت سندھ نے سٹیزن پولیس لائزن چیف احمد چنائے کی تبدیلی کا اصولی فیصلہ کرلیا ہے۔ ذرائع کے مطابق حساس اداروں کو تحفظات تھے کہ سی پی ایل سی سے آپریشن سے متعلق اطلاعات لیک کی جاتی ہیں۔ ذرائع کے مطابق حساس اداروں کی رپورٹ کی روشنی میں حکومت سندھ نے نہ صرف سی پی ایل سی چیف احمد چنائے کی تبدیلی بلکہ سی پی ایل سی کا دفتر بھی گورنر ہاو¿س منتقل کرنے کا فیصلہ کرلیا ہے۔ ذرائع کا کہنا ہے کہ حساس اداروں نے خدشات ظاہر کیے تھے کہ سی پی ایل سی سے اطلاعات لیک ہوجاتی ہیں۔ گورنر سندھ ڈاکٹر عشرت العباد کے قریبی ساتھیوں میں شمارہونے والے احمد چنائے سے کچھ عرصہ قبل رینجرز ٹاسک فورس نے اغوا کے کیس میں پوچھ گچھ بھی کی تھی۔