Wednesday, January 19, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

سندھ اسمبلی کا دوسرا روز بھی ہنگامہ آرائی کی نذر ہو گیا

سندھ اسمبلی کا دوسرا روز بھی ہنگامہ آرائی کی نذر ہو گیا
September 26, 2018
کراچی ( 92 نیوز ) سندھ اسمبلی میں دوسرے دن بھی خوب گرما گرمی رہی ، حکمران اور اپوزیشن میں تو تکرار کے باعث کان پڑی آواز سنائی نہیں دی، دوسری جانب ارکان سندھ اسمبلی کی تعلیمی قابلیت کی حیران کن رپورٹ بھی منظرعام پر آگئی، ارکان میں نان میٹرک اور انڈر گریجویٹ بھی شامل ہیں۔ پیپلزپارٹی کی رکن سندھ اسمبلی پروین قائمخانی نے  عارف جتوئی کوامریت کی پیداوار قراردےدیا،جس پر اسمبلی میں خوب شورشرابہ ہوا۔ ڈپٹی اسپیکرریحان لغاری اپوزیشن کو خاموش  رہنے کی تلقین کرتی  رہیں لیکن کسی نے ان کی نہ سنی۔پروین قائمخانی نےکہاکہ آئینہ دیکھاتوبرامان گئے،یہ بھی کہاکہ کوئی قائد کے خلاف ایک لفظ بولے تو سو لفظ بولیں گی۔ دوسری جانب ارکان سندھ اسمبلی کی تعلیمی قابلیت کے حیران کن رپورٹ 92 نیوزنےحاصل کرلی ہے  ، قانون سازی کرنیوالی سندھ اسمبلی میں نان میٹرک، انڈر گریجویٹ ارکان بھی شامل ہیں۔ سندھ اسمبلی کے 11 فیصد ارکان  انٹرپاس ہیں ، 11 ارکان نے میڑک پاس کیاہے جبکہ 5  کی تعلیمی قابلیت  پرائمری اور مڈل ہے ۔ چار ارکان نے ڈگری کے بتایاہی نہیں۔ سندھ اسمبلی کے صرف 26 فیصد ارکان کے پاس مختلف شعبوں میں ماسٹرز ڈگری۔