Monday, October 18, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

سعودی عرب نے بیس ہزار مقامی اور غیر ملکی شہریوں کو عمرہ کی ادائیگی کی اجازت دے دی

سعودی عرب نے بیس ہزار مقامی اور غیر ملکی شہریوں کو عمرہ کی ادائیگی کی اجازت دے دی
August 1, 2021 --- ویب ڈیسک

ریاض (92 نیوز) سعودی عرب نے بیس ہزار مقامی اور غیر ملکی شہریوں کو عمرہ کی ادائیگی کی اجازت دے دی۔

پاکستان، ترکی اور عرب امارات سمیت کئی ملکوں کے شہری عمرہ کی سعادت سے تاحال محروم رہیں گے۔ سعودی عرب کی طرف سے پاکستان سمیت تیرہ ملکوں پر سفری پابندیاں برقرار ہے۔

سعودی عرب کی وزارت حج و عمرہ کے ترجمان ہشام بن سعید کے  بیان  کے مطابق  جن ممالک پر سفری پابندیاں عائد نہیں، ان کے شہریوں کو عمرہ ادائیگی کی اجازت ہے۔ ترجمان  کے مطابق پاکستان، انڈیا، انڈونیشیاء، مصر، ترکی، ارجنٹائن، برازیل، جنوبی افریقہ سفری پابندیوں کی زد میں ہیں۔ ایتھوپیا، متحدہ عرب امارات، ویتنام، افغانستان اور لبنان پر بھی سعودی عرب کے لیے سفری پابندیاں عائد ہیں۔ کورونا وباء کے پھیلاؤ کے پیش نظر پاکستان سمیت چند ممالک پر پابندیاں عائد ہیں۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔