سربراہ این سی او سی اسد عمر نے ’’ اومیکرون ‘‘ پھیلاؤ پر خبردار کردیا
اسلام آباد (92 نیوز) نیشنل کمانڈ اینڈ کنٹرول سینٹر (این سی او سی) کے سربراہ اسد عمر نے کورونا کی نئی لہر اومیکرون کے پھیلاؤ پر خبردار کردیا۔
Clear evidence now of a beginning of another covid wave which has been expected for last few weeks. Genome sequencing showing rising proportion of omicron cases particularly in karachi. Remember : wearing a mask is your best protection
سربراہ این سی او سی اسد عمر نے کورونا کی نئی لہر اومیکرون پر ٹویٹ پیغام میں ہے کہ کورونا کی نئی لہر کی توقع چند ہفتوں سے تھی ، اومیکرون تیزی سے پھیل رہا ہے۔
انہوں نے مزید کہا کہ اومیکرون کا زیادہ پھیلاؤکراچی میں ہے، ماسک پہننا کورونا سے محفوظ رہنے کا بہترین طریقہ ہے۔
واضح رہے کہ کورونا کے نئے ویرینٹ اومیکرون کے پہلے کیس کی تصدیق بھی کراچی میں ہوئی تھی۔
گزشتہ روز گلشن اقبال بلاک 7 کراچی میں 11 کیسز رپورٹ ہونے پر اومیکرون ویرینٹ کے باعث 14 جنوری تک پہلا مائیکرو اسمارٹ لاک ڈاؤن نافذ کیا گیا تھا۔
اومیکرون ویرینٹ سے متاثرہ کراچی کے بعد اسلام آباد اور پھر پنجاب کا نمبر آتا ہے۔
محکمہ صحت کے حکام نے شہریوں سے احتیاطی تدابیر اپنانے کی درخواست کی ہے۔
