سب سے زیادہ بار فٹبال ورلڈ کپ جیتنے کا اعزاز برازیل کے پاس

ماسکو ( 92 نیوز) فٹبال ورلڈکپ 2018  کے اکیس ویں ایڈیشن  کا ہلہ گلہ ایک ماہ تک جاری رہے گا، اب تک ہونے والے 20 ایڈیشنز میں برازیل کی ٹیم سرفہرست ہے ۔  برازیلین ٹیم کو 5 بار ٹائٹل جیتنے کا اعزاز حاصل ہے۔ فٹبال ورلڈ کپ کی تاریخ پر نظر ڈالیں تو  اب تک 20 ایڈیشن ہو چکے ہیں ،پہلے ایڈیشن  کا انعقاد 1930  میں یوروگوائے میں ہوا ،میزبان ملک  ٹائٹل جیتنے میں کامیاب رہا ۔ اٹلی اور جرمنی کی ٹیم نے چار ،چار ،یوروگوائے اور ارجنٹائن نے دو،دوجب کہ انگلینڈ ،فرانس اور اسپین نے ایک ،ایک بار  ٹرافی پر قبضہ جما یا ۔ آخری ایڈیشن 2014 میں برازیل میں کھیلا گیا ،فائنل میں جرمنی کی ٹیم نے ارجنٹائن کے ارمان خاک میں ملائے تھے ۔