Friday, October 22, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

سانحہ منیٰ : حکومت کا شہداءکے لواحقین کو 10لاکھ روپے دینے اور عمرہ کرانے کا اعلان

سانحہ منیٰ : حکومت کا شہداءکے لواحقین کو 10لاکھ روپے دینے اور عمرہ کرانے کا اعلان
September 28, 2015
اسلام آباد (92نیوز) حکومت نے سانحہ منیٰ میں شہید ہونے والے عازمین حج کے لواحقین کو دس لاکھ روپے دینے کا اعلان کیا ہے۔ پانچ لاکھ روپے انشورنس کی مد میں جبکہ پانچ لاکھ روپے حکومت اپنی طرف سے دے گی۔ تفصیلات کے مطابق وزیراعظم میاں محمد نواز شریف نے سانحہ منیٰ کیلئے رکن قومی اسمبلی ڈاکٹر طارق فضل چودھری کو کوآرڈی نیٹر مقرر کر دیا۔ ڈاکٹر طارق فضل چودھری نے میڈیا کو بریفنگ میں بتایا کہ سانحہ منیٰ میں 40 پاکستانی عازمین حج کے شہید اور 35 کے زخمی ہونے کی تصدیق ہوئی ہے۔ 63 پاکستانی عازمین حج لاپتہ ہیں جبکہ دو سو اٹھائیس لاپتہ افراد کو تلاش کر لیا گیا ہے۔ ڈاکٹر طارق فضل چودھری نے کہا کہ شہید ہونے والے عازمین حج کے لواحقین کو دس لاکھ روپے دئیے جائینگے۔ انہوں نے کہا کہ حکومت کی طرف شہید ہونے والے عازمین حج کے دو یا تین لواحقین کو عمرہ بھی سرکاری خرچ پر کرایا جائے گا۔ ڈاکٹر طارق فضل نے کہا کہ زخمیوں کو حکومت کی جانب سے دو لاکھ روپے دئیے جائینگے اور وطن واپسی پر ان کا علاج بھی مفت کرایا جائے گا۔ انہوں نے کہا کہ شہید ہونے والے عازمین حج کی تدفین کے حوالے سے سعودی عرب کی حکومت کل بتائے گی۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔