روسی جہاز عالمی خلائی سٹیشن پر موجود خلانوردوں کیلئے خوراک لے کر روانہ ہو گیا

ماسکو (ویب ڈیسک) روس کا ایک کارگو خلائی جہاز بین الاقوامی خلائی اسٹیشن پر موجود خلا نوردوں کے لیے خوراک لے کر روانہ ہو گیا ہے۔ تفصیلات کے مطابق روس کی فیڈرل اسپیس ایجنسی نے ایک کارگو خلائی جہاز قازقستان کے خلائی مرکز سے خلا میں چھوڑ دیا ہے۔ کارگو جہاز بین الاقوامی خلائی اسٹیشن پر موجود خلا نوردوں کےلئے تین ٹن خوراک، فیول اور ضرورت کی دیگر اشیاءلے کر جا رہا ہے۔ پراگریس سکسٹی فور نامی کارگو جہاز کل بین الاقوامی خلائی اسٹیشن سے جڑ جائے گا اور چھ ماہ تک انٹرنیشنل اسپیس اسٹیشن کے ساتھ ہی رہے گا۔