Tuesday, November 30, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

رواں برس معیشت میں 4 سے 5 فیصد گروتھ متوقع ہے، رضا باقر

رواں برس معیشت میں 4 سے 5 فیصد گروتھ متوقع ہے، رضا باقر
August 13, 2021 --- ویب ڈیسک

کراچی (92 نیوز) گورنر اسٹیٹ بینک رضا باقر کا کہنا ہے، رواں برس معیشت میں 4 سے 5 فیصد گروتھ متوقع ہے۔

گورنر اسٹیٹ بینک نے خطاب کرتے ہوئے کہا، آئی ایم ایف سے رقم ملنے سے زرمبادلہ ذخائر بلند ترین سطح پر ہوں گے۔ ملکی تاریخ کے بلند ترین ریزرو ساڑھے 19 بلین ڈالر رہے، مئی اور جون میں کرنٹ اکاؤنٹ خسارہ زیادہ رہا۔

اُنہوں نے کہا، کاروباری طبقے کے بغیر ملک ترقی نہیں کرسکتے، ہمارا اولین مقصد کاروباری طبقے کو سپورٹ کرنا ہے، برآمدات کو بڑھانے بغیر پائیدار ترقی ممکن نہیں۔ برآمدات کو بڑھانے کے لیے ایکسپورٹرز کے لیے آسانیاں پیدا کررہے ہیں۔

رضا باقر نے کہا، مستقل میں ڈیجیٹلایزیشن کے بغیر ترقی نہیں کرسکتے،  اسٹیٹ بینک مالیاتی ڈیجیٹلایزیشن کے لیے کام کررہا ہے۔ اسٹیٹ بینک راہ راست کے نام سے ڈیجیٹلایزیشن کے پروگرام پر کام کررہا ہے۔

اُن کا مزید کہنا تھا کہ، شرح سود ایک سال سے زاید عرصے سے سنگل ڈیجٹ میں ہے۔ دو سال میں زرمبادلہ زخائر میں 10 ارب ڈالر کا اضافہ ہوا، ایکسپورٹ ریفائنانس اسکیم میں دو سو فی صد اضافہ ہوا۔