Thursday, January 20, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

رحمتوں اور برکتوں والی رات لیلۃ القدر کے موقع پر مساجد میں خصوصی عبادات کا اہتمام

رحمتوں اور برکتوں والی رات لیلۃ القدر کے موقع پر مساجد میں خصوصی عبادات کا اہتمام
May 21, 2020
لاہور (92 نیوز) رحمتوں اور برکتوں والی رات لیلۃ القدر کے موقع پر ملک بھر کی مساجد میں خصوصی عبادات کا اہتمام کیا گیا۔ شہری حکومتی ایس او پیز پر عملدرآمد کرتے ہوئے عبادات میں مصروف رہے۔ لاہور کی داتا دربار مسجد میں محفل نعت کا انعقاد کیا گیا جس میں صوبائی وزیر مذہبی امور پیر سید سعید الحسن شاہ نے بطور مہمان خصوصی شرکت کی۔ کراچی کی مساجد میں خصوصی عبادات اور نوافل ادا کیے گئے۔ اسلام آباد کی فیصل مسجد کے کھلے صحن میں حفاظتی تدابیر کے ساتھ نماز تراویح ادا کی گئی۔ روح پرور اجتماع میں قرا حضرات نے خوش الحانی کے ساتھ قرآن سنایا۔ مختلف مساجد میں نوافل اور نماز تسبیح کا اہتمام کیا گیا۔ حکومتی ایس او پیز پر عمل کرتے ہوئے شہریوں نے ایک دوسرے سے چھے فٹ کا فاصلہ رکھا اور عبادت میں مصروف رہے۔