‘‘دی ایج آف ایڈ لائن’’ 24 اپریل کو سینما گھروں کی زینت بنے گی

لاس اینجلس (ویب ڈیسک) عمر بڑھتے بڑھتے کیسے رکتی ہے اورزندگی میں رنگ کیسے بھرتا ہے یہ سب کچھ ہالی ووڈ رومانوی فلم دی ایج آف ایڈ لائن دیکھنے سے ہی پتہ چلے گا جو اسی مہینے سینما گھروں کی زینت بننے والی ہے۔ فلم کی کہانی بیسویں صدی میں پیدا ہونے والی ایک لڑکی کے گرد گھومتی ہے۔ حادثے کے باعث اس کی عمر بڑھنا رک جاتی ہے اور وہ تنہائی کا شکار ہو جاتی ہے۔ ان حالات میں ایک شخص اس کی زندگی میں بہار بن کر داخل ہوتا ہے۔ فلم کی ہدایت کاری لی ٹو لینڈ کریگر نے دی ہے جبکہ نمایاں ادکاروں میں ہیرسن فورڈ بلیک لیولی اور مائیکل ہوزی مین شامل ہیں۔ رومانوی فلموں کے شائق افراد کو یہ فلم دیکھنے کے لیے چوبیس اپریل تک انتظار کرنا ہوگا۔