دہشتگردی کے سدباب کیلئے ایڈیشنل آئی جی سی ٹی ڈی نے رپورٹ بھجوا دی

کراچی (92 نیوز) ایڈیشنل آئی جی سی ٹی ڈی ثنااللہ عباسی نے ملک میں دہشت گردی کے سدباب کے لئے جامع مرطوط رپورٹ محکمہ داخلہ سندھ کو بھیج دی ۔
ثنا اللہ عباسی کی رپورٹ میں کہا گیا کہ دہشت گردوں کی معاونت کرنے والے انفرادی اور اسٹیٹ اسپانسرز کے گرد گھیرا تنگ کیا جائے ۔ دہشت گردی سے لڑنے کے لئے بین الاقوامی روابط کو مزید مضبوط اور برقرار رکھنے کی ضرورت ہے ۔ دہشت گردی کے خاتمے کے لیے قانون سازی، انٹیلی جنس، تکنکیی معاونت اور معلومات کا تبادلہ کرنا ہو گا ۔
رپورٹ میں کہا گیا کہ دہشت گردوں کی محفوظ پناگاہوں کو صفہ ہستی سے مٹانا ہو گا ۔ دہشت گردی کے شکار علاقوں کو دہشت گردوں سے پاک کرنا ہو گا ۔ اپنے ملک اور اس کے شہریوں کا اپنے ملک اور دنیا بھر میں تحفظ یقینی بنانا ہو گا ۔
رپورٹ میں یہ بھی کہا گیا کہ نیشنل ایکشن پلان کو بھرپور انداز میں لاگو کرنا ہو گا ۔ ہوائی ، زمینی، سمندری اور سائیبر پر ہونے والی تمام سرگرمیوں پر گہری نگاہ کی ضرورت ہے ۔ سرگرمیوں پر نگاہ رکھ کر کسی خطرے کی قبل از وقت نشاندہی کی جا سکے گی ۔
رپورٹ کے مطابق خطرے کی قبل از وقت نشاندہی کے لیے تمام ایجنسیوں اور سیکورٹی اداروں کو معلومات کا تبادلہ کرنا ہو گا ۔ ٹیررسٹ تھریٹ انٹی گریشن سینڑ کے قیام کی ضرورت ہے ۔ اس سینڑ کی مدد سے غیر سرکاری اور ایجینسیوں کے درمیان معلومات کا تبادلہ ممکن ہو گا ۔