Tuesday, January 25, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

دہشتگردی کو ختم کرنے کیلئے امریکا نے نئی حکمت عملی جاری کر دی

دہشتگردی کو ختم کرنے کیلئے امریکا نے نئی حکمت عملی جاری کر دی
October 5, 2018
واشنگٹن (92 نیوز) امریکا نے دہشتگردی سے نمٹنے کیلئے نئی چھ نکاتی حکمت عملی کا اعلان کر دیا۔ صدر ڈونلڈ ٹرمپ کی نئی پالیسی کا اعلان قومی سلامتی کے مشیر جان بولٹن نے کیا جس کے مطابق انسداد دہشت گردی کیلئے امریکی اقدامات کو منظم اور جدید بنایا جائے گا۔ مخصوص گروپ کی بجائے تمام دہشتگردوں کا ان کی پناہ گاہوں تک پیچھا کیا جائے گا اور انہیں حاصل  معاونت کی جڑیں بھی کاٹ دی جائیں گی۔ نئی پالیسی کے تحت دہشتگردی کی پشت پناہی کرنے والے ممالک، شخصیات، حامیوں اور تمام گروپوں اور ان کے نظریئے کو نشانہ بنایا جائے گا۔ اس حوالے سے امریکا اور اس کے اتحادیوں کا انفراسٹرکچر بھی مزید بہتر کیا جائے گا۔ جان بولٹن کا کہنا تھا کہ  یہ پالیسی  ایران اور دیگر ممالک کو پیغام ہے کہ یہ اوباما دور نہیں۔ اب اُن کی سرگرمیوں کو کسی صورت برداشت نہیں کیا جائے گا۔