Monday, December 6, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

دبئی ایئرشو میں جے ایف سیون ٹین تھنڈر کی خصوصیات سے بھارت حیران رہ گیا

دبئی ایئرشو میں جے ایف سیون ٹین تھنڈر کی خصوصیات سے بھارت حیران رہ گیا
November 21, 2021 --- ویب ڈیسک

دبئی (92 نیوز) دبئی ایئرشو میں جے ایف سیون ٹین تھنڈر کی خصوصیات سے بھارت حیران رہ گیا۔ بھارتی پائلٹس کی پاکستانی مصنوعات میں گہری دلچسپی، معیار کا بھی اعتراف کیا۔

”دوبئی ایئر شو 2021ء“ متحدہ عرب امارات میں 14 سے 18 نومبر تک منعقدہ ہوا۔ پاکستان نے ہمیشہ کی طرح پانچ روزہ"دوبئی ائیر شو"میں بھرپور شرکت کی اور جے ایف سترہ تھنڈر سمیت کئی دفاعی مصنوعات متعارف کروائیں۔

دوبئی ایئر شو اُس وقت گہرے نقوش چھوڑ گیا جب پاکستان ایئر ناٹیکل کمپلکس کامرہ کے اسٹال پر بھارتی فضائیہ کے ہوابازوں اور اہلکاروں نے دورہ کیا۔ فخر پاکستان جے ایف سترہ تھنڈر طیارے سمیت جدید ترین دفاعی مصنوعات کو دیکھ کر نہ صرف حیران رہ گئے بلکہ گہری دلچسپی لی اور پاکستانی دفاعی مصنوعات کے معترف نظر آئے۔

پاکستان ایرو ناٹیکل کمپلکس کامرہ نے ایئر شو میں سپر مشاق تربیتی طیارہ، جے ایف سترہ تھنڈر سپرسانک لڑاکا جیٹ، کئی جدید دفاعی مصنوعات سمیت پہلی مرتبہ قراقرم ایٹ نیکسٹ جنریشن جیٹ تربیتی طیارہ بھی متعارف کرایا۔