Wednesday, December 8, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

خیبرپختونخوا بلدیاتی انتخابات،تحریک انصاف کےپشاورسمیت9 اضلاع میں ضلعی حکومت قائم

خیبرپختونخوا بلدیاتی انتخابات،تحریک انصاف کےپشاورسمیت9 اضلاع میں ضلعی حکومت قائم
August 30, 2015
پشاور(92نیوز)خیبر پختو نخوا کے  بلدیاتی انتخابات میں  تحریک انصاف  کے  پشاور سمیت نو اضلاع میں ناظم  منتخب ہو  گئے  جماعت  اسلامی نے چار نون لیگ نے  تین  جبکہ  جمعیت علمائے اسلام ،عوامی نیشنل  پارٹی اور پیپلزپارٹی  نے دو دو اضلاع میں کامیابی سمیٹی ۔ تفصیلات کےمطابق  پاکستان   تحریک انصاف نے  ضلع کونسل پشاور  اور  تین  ٹاون کونسل میں  کامیابی   حاصل کی  پی ٹی  آئی کے  ارباب محمد عاصم  ضلع کونسل  پشاور کے  ناظم اور  سید قاسم علی شاہ  نائب  ناظم  منتخب  ہو  گئے ،حکمران تحریک انصاف کو صوبے کے نو  اضلاع میں  مکمل  کامیابی  حاصل ہوئی۔ بٹ  گرام  سے عطا الرحمان ، ٹانک سے  مصطفی کنڈی، کرک  سے ڈاکٹر عمر دراز، ہری پور سے  عادل اسلام، نوشہرہ سے   لیاقت خٹک، ڈی  آئی  خان سے   عزیر اللہ  علی زائی، چارسدہ  سے  فہد ر یاض  اور  تور غر   سے     نور محمد پی  ٹی  آئی کے  ٹکٹ پر  ضلع ناظم  منتخب ہو ئے ،، ضلع  ناظم اور  نائب  ںاظم کے  انتخابات میں    جماعت   اسلامی    دوسری  بڑی پارٹی   بن کر سامنے آئی  جس  نے  چار اضلاع میں  میدان مارا۔ لوئر دیر  سے محمد  رسول  خان ، اپر دیر سے   صاحبزادہ  فیض اللہ، بونیر سے   ڈاکٹر  عبیداللہ  اور  چترال   سے  جماعت اسلامی کے  معرفت  شاہ  ضلع  ناظم  بن  گئے ۔ مسلم لیگ نون نے سوات،مانسہرہ اور شانگلہ میں کامیابی سمیٹی  یہاں  سے بالترتیب محمد  علی شاہ،  سردار  سیٹھ اور نیاز امیر  ضلع ناظم  منتخب ہو ئے جمیعت  علمائے اسلام  ف   کے مفتی عبیداللہ   ہنگو  اور مولانا  نیاز محمد  کوہاٹ   کے  ضلع  ناظم   بن گئے  عوامی نیشنل  پارٹی کے حصے میں  بھی دو  نشستیں آئیں  امیر   رحمان صوابی    جبکہ حمایت  اللہ مردان  کی نشست  پر کامیاب ہو ئے ۔ پیپلزپارٹی کو خیبر پختونخوا کے  دو اضلاع مالاکنڈ اور  لکی  مروت  پر کامیابی حاصل ہوئی  جہاں  سے  ان کے امیدوار سید  احمد علی اور اسحاق ڈار بالترتیب   ضلع  ناظم  بن گئے ۔