Monday, November 29, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

خان صاحب ! آپکے اردگرد مفاد پرست لوگ ہیں، انضباطی کمیٹی، یوسف گبول کی رکنیت معطل کر کے اچھا نہیں کیا: جسٹس (ر) وجیہہ الدین

خان صاحب ! آپکے اردگرد مفاد پرست لوگ ہیں، انضباطی کمیٹی، یوسف گبول کی رکنیت معطل کر کے اچھا نہیں کیا: جسٹس (ر) وجیہہ الدین
July 9, 2015
اسلام آباد (92نیوز) جسٹس (ر) وجیہہ الدین نے عمران خان کے خط کا جواب دے دیا ہے جس میں انہوں نے کہا ہے کہ خان صاحب ! آپ کے اردگرد مفاد پرست لوگ جمع ہیں، انضباطی کمیٹی اور یوسف گبول کی رکنیت معطل کر کے اچھا نہیں کیا گیا۔ تفصیلات کے مطابق جسٹس (ر) وجیہہ الدین نے عمران خان کے تمام الزامات مسترد کر دیئے ہیں۔ عمران خان کو جوابی خط میں جسٹس (ر) وجیہہ الدین نے کہا ہے کہ آپ نے پارٹی کی انضباطی کمیٹی اور ٹربیونل کے رکن یوسف گبول کی رکنیت معطل کرکے اچھا نہیں کیا، میرے لیے پارٹی کے الیکشن ٹربیونل کی سرپرستی اہم نہیں مگر پارٹی کےلئے اس کی اہمیت انتہائی زیادہ ہے۔ الیکشن ٹربیونل نے چھ ماہ میں پارٹی الیکشن کرانے کی ہدایت کی مگر آپ نے بطور چیئرمین الیکشن نہیں کرائے۔ جسٹس وجیہہ الدین کا جوابی خط میں کہنا ہے کہ پارٹی الیکشن نہ کرانے کے باعث ٹربیونل نے پارٹی کی تنظیموں کو تحلیل کیا، آپ نے الیکشن ٹربیونل کو تحلیل کرکے کام کرنے سے کیوں روک دیا ہے۔