Sunday, October 24, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

جوڈیشل کمیشن نے بدھ کی کارروائی سے متعلق حکم نامہ جاری کردیا

جوڈیشل کمیشن نے بدھ کی کارروائی سے متعلق حکم نامہ جاری کردیا
April 30, 2015
اسلام آباد(ویب ڈیسک)عام انتخابات 2013 میں مبینہ دھاندلی کے الزامات کی تحقیقات کرنے والے جوڈیشل کمیشن نے بدھ کی کارروائی سے متعلق حکم نامہ جاری کردیا۔ جوڈیشل کمیشن کی طرف سے جاری کردہ حکم نامہ میں کہا گیا ہے کہ ایم کیو ایم ،پی ٹی آئی،بی این پی ،پیپلزمسلم لیگ ،ایم ڈی ایم ،پی ایم ایل کیو نے جوڈیشل کمیشن کی طرف سے اٹھائے گیے  تین سوالات کا جواب دیا ۔ الیکشن کمیشن کو درخواست گزاروں کی طرف سے اٹھائے گئے سوالات کا دو روز میں جواب دینے کا کہا گیا،پیپلزمسلم لیگ کی طرف سے پی پی پر لگائے گئے الزامات پراعتزاز احسن اور لطیف کھوسہ کو بھی دو دن میں جواب دینے کا کہا گیا ۔ پی ٹی آئی جن گواہان کو طلب کرنا چاہتی ہے ان کی فہرست دو مئی تک فراہم کر دے ،حکم نامہ میں مزید بتایا گیا کہ پی ٹی آئی جن کو بلانا چاہتی ہے ان کو پانچ مئی کو دن ایک بجے طلب کیا جائے گا جبکہ پی ٹی آئی کے اپنے گواہان کو پانچ مئی کو صبح ساڑھے گیارہ بجے پیش کرے ۔ پی پی کے اعتزاز احسن نے گواہان کی فہرست پیش کرنے سے معذرت کی ،اعتزاز احسن نے ووٹوں کے تھیلے کھولنے کی بات پرزور دیا آئندہ سماعت سے قبل اعتزازاحسن حلقوں کی فہرست فراہم کردیں جن کی وہ تحقیقات کرانا چاہتے ہیں۔ اعتزازاحسن جن حلقوں کی نشاندہی کریں گے وہاں سے جیتنے والے امیدواروں کو نوٹس جاری کیا جائے گا،کمیشن کی آئندہ سماعت پانچ مئی کوہوگی۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔