Thursday, October 21, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

جنوبی افریقہ کی کرکٹ ٹیم تاریخی دورے پر پاکستان پہنچ گئی

جنوبی افریقہ کی کرکٹ ٹیم تاریخی دورے پر پاکستان پہنچ گئی
January 16, 2021

کراچی (92 نیوز) پاکستان میں انٹرنیشنل کرکٹ کا میلہ پھر سجنے کو تیار ہے۔ جنوبی افریقہ کی ٹیم دورہ پاکستان پر کراچی پہنچ گئی۔ دونوں ٹیموں کے درمیان دو ٹیسٹ اور 3 ٹی ٹوئنٹی میچ کھیلے جائیں گے۔ پروٹیز اور شاہینوں نے ایک دوسرے کو پچھاڑنے کیلئے کمرکس لی۔ 

پروٹیز ٹیم 14 سال بعد شاہینوں کے دیس پہنچ گئی، جنوبی افریقہ کے 27 کھلاڑی اور 11 آفیشلز چارٹر طیارے کے ذریعے کراچی پہنچے۔

جنوبی افریقہ کے اسکواڈ کے کورونا ٹیسٹ بھی ہونگے، بائیو ببل میں رہتے ہوئے مہمان ٹیم کل سے کراچی جمخانہ میں پریکٹس کا آغاز کرے گی۔ 5 روزہ قرنطینہ کی مدت مکمل ہونے کے بعد پروٹیز کی ٹیم نیشنل اسٹیڈیم کراچی میں پریکٹس کر سکے گی۔

جنوبی افریقہ دورے پاکستان پر 2 ٹیسٹ اور تین ٹی ٹوئنٹی میچز کھیلے گی، پہلا ٹیسٹ 26 جنوری سے کراچی میں کھیلا جائے گا۔ دوسرا ٹیسٹ 4 فروری سے راولپنڈی میں کھیلا جائے گا۔

تین ٹی ٹوئنٹی میچوں کی سیریز 11 فروری سے 14 فروری تک لاہور میں کھیلی جائے گی، جنوبی افریقہ کی ٹیم نے 2007 میں آخری بار پاکستان کا دورہ کیا تھا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔