Tuesday, October 26, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

جماعت اسلامی نے خیبرپختونخوا حکومت کی جانب سے بلدیاتی انتخابات سے قبل ترقیاتی کاموں کو پری پول دھاندلی قرار دیدیا

جماعت اسلامی نے خیبرپختونخوا حکومت کی جانب سے بلدیاتی انتخابات سے قبل ترقیاتی کاموں کو پری پول دھاندلی قرار دیدیا
May 14, 2015
پشاور (92نیوز) بلدیاتی انتخابات سے قبل خیبرپختونخوا میں ہونے والے ترقیاتی کاموں کو تحریک انصاف کی حلیف جماعت اسلامی نے پری پول دھاندلی کا نام دے دیا ہے۔ تفصیلات کے مطابق پاکستان تحریک انصاف اور جماعت اسلامی کے درمیان اختلافات اس وقت شدت اختیار کر گئے جب پشاور میں کنٹونمنٹ بورڈ انتخابات میں دونوں حلیف ایک دوسرے کے مد مقابل آگئے مگر اب بلدیاتی انتخابات میں جہاں دونوں جماعتیں اکثر علاقوں میں ایک دوسرے کے خلاف نبردآزما ہیں، وہاں جماعت اسلامی نے حکومت کا حصہ ہونے کے باوجود صوبے میں شروع کئے جانے والے ترقیاتی کاموں کو دھاندلی قرار دیا ہے۔ پاکستان تحریک انصاف نے بلدیاتی انتخابات سے قبل ترقیاتی کام زوروشور سے شروع کئے تو پاکستان مسلم لیگ (ن) بھی دھڑادھڑ بجلی کے کھمبے اور ٹرانسفارمر لگانے میں مصروف ہے۔ پی ٹی آئی رہنما شروع کئے گئے ترقیاتی منصوبوں کو جاری ترقیاتی کاموں کا نام دے رہے ہیں۔ اپوزیشن تو پہلے ہی سے پاکستان تحریک انصاف کی جانب سے بلدیاتی انتخابات کے موقع پر ترقیاتی کاموں کو دھاندلی سے منسوب کرچکی ہے مگر اب تو ان کے اپنی حلیف جماعت بھی ان کے خلاف میدان میں کود پڑی ہے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔