ترکی میں ریلی پر خودکش حملے‘ 30افراد ہلاک‘ سیکڑوں زخمی‘ ہلاکتوں میں اضافے کا خدشہ

انقرہ (ویب ڈیسک) ترکی کے دارالحکومت انقرہ میں ایک امن ریلی کے دوران دو بم دھماکے ہوئے جن میں تیس افراد ہلاک اور ایک سو چھبیس سے زائد زخمی ہوئے جبکہ ہلاکتوں میں اضافے کا خدشہ ظاہر کیا جا رہا ہے۔ ترک سکیورٹی حکام کے مطابق دھماکے خودکش تھے۔ دھماکوں سے تیس افراد ہلاک اور ایک سو چھبیس سے زائد زخمی ہوئے۔ کئی زخمیوں کی حالت نازک بتائی جاتی ہے۔ سکیورٹی حکام نے ہلاکتوں میں اضافے کا خدشہ ظاہر کیا ہے۔ یہ دھماکے شہر کے مرکزی ریلوے سٹیشن کے قریب ہوئے۔ امن ریلی میں شریک افراد کرد علیحدگی پسند گروپ کے خلاف تشدد کے خاتمے کا مطالبہ کر رہے تھے۔ اس سے پہلے جون میں بھی کرد نواز جماعت ایچ ڈی کی ریلی کو دیار بکیر شہر میں عام انتخابات سے قبل نشانہ بنایا گیا تھا۔