Sunday, February 5, 2023

ترکی امریکی ٹیرف کا معاملہ ڈبلیو ٹی او میں لے گیا

ترکی امریکی ٹیرف کا معاملہ ڈبلیو ٹی او میں  لے گیا
انقرہ ( 92 نیوز) ترکی  سپر پاور امریکہ کو ترکی بہ ترکی جواب دیتے ہوئے  معاملہ ڈبلیو ٹی او میں لے گیا ۔ ترک صدر طیب رجب اردگان نے کہا کہ معاشی حملے ملک پر حملےکے مترادف ہیں ، امریکہ نےمحصول عائد کر کے آزادانہ تجارت کے قوانین کی خلاف ورزی کی ہے ۔ دوسری جانب ترکی کے دارالحکومت انقرہ میں امریکہ سفارتخانے پر فائرنگ کا واقعہ پیش آیا ہے ۔ غیرملکی خبررساں ایجنسی کے مطابق  ایک سفید رنگ کی کار پر سوار  مشتبہ افراد نے امریکی سفارتخانے  کے سکیورٹی بوتھ  کو نشانہ بنانے کی کوشش کی ۔ خبرایجنسی کے مطابق  فائرنگ کے واقعے میں کوئی شخص زخمی نہ ہوا ، پولیس نے مشتبہ کار کی تلاش شروع کردی۔